துள்ளுவதோ இளமை..! (Tamil Edition)

'ஓவர் நைட் பாப்புலாரிட்டி' என்பதன் முழுமையான அர்த்தத்தை அன்றுதான் புரிந்து கொண்டாள் நந்தினி. அவள் வீட்டில் தமிழ்ச் செய்தித் தாள்கள் வாங்குவதில்லை. அதனால் அவளுக்குத் தெரியவில்லை. கல்லூரியில் போய் இறங்கினதும்தான் தெரிய வந்தது. ஒரே ராத்திரிக்குள் தான் எந்த அளவிற்குப் பிரபலமாகியிருக்கிறோம் என்பது.
வரிசையாகக் காமர்ஸ், தமிழ், விஞ்ஞானம், கணிதம், தத்துவம், மனோதத்துவம் என எல்லாத் துறைகளைச் சேர்ந்த மாணவிகளும் கும்பல் கும்பலாக நின்று தன்னைப் பார்த்துத் தங்களுக்குள்ளாகப் பேசிக் கொள்வதை உணர்ந்ததும்தான் அவளுக்குள் 'என்ன இது?' என்ற கேள்வி எழுந்தது.
'உடை எங்காவது கிழிந்திருக்கிறதா...? அல்லது முகத்தில் கரி மாதிரி அழுக்கு ஒட்டிக் கொண்டிருக்கிறதா...