Un Noson

Nofel hwyliog ar gyfer unrhyw un sy'n hoff o stori ysgafn a chyfoes! Mae'r stori'n dilyn dau brif gymeriad, Jacob a Cadi, wrth iddyn nhw baratoi ar gyfer priodas ffrind cyffredin i'r ddau. Mae'n dechrau 7 diwrnod cyn y briodas ac yn dilyn y paratoadau hyd at y diwrnod ei hun.

CADI: Does dim angen iddo fod yn berffaith. Dwi jyst angen dêt. Dim ond am un noson.

Pan ddaeth Jacob adre o Ffrainc i briodas ei ffrind, doedd e ddim wedi dychmygu cwrdd â merch fel Cadi. Mae eu perthynas yn dechrau'n dda ond yn raddol bach mae amodau'r cytundeb rhyngddyn nhw'n cael eu torri.

A fydd rhai'n gweld trwy eu cynllun? Pam mae Jacob yn rhuthro'n ôl i Ffrainc?

Nofel gynnes, lawn hiwmor am Cadi a Jacob, a'u stori'n arwain at un noson dyngedfennol.