နွမ်းလျအိမ်ပြန်

ဤစာအုပ်သည် ဆရာမကြီး ကြည်အေး၏ ထင်ရှားသော ဝတ္ထုဖြစ်သည်။ ဝတ္ထုရေးသည့် ခေတ်ပြိုင် ပတ်ဝန်းကျင်ကို ဂရုမမူဘဲ ပုဂ္ဂလိက ခံစားမှုတွင် အာရုံပြု ရေးဖွဲ့သောကြောင့် မြန်မာစာပေတွင် အစောဆုံးနှင့် အထင်ရှားဆုံး အိတ်ဇစ်စတင်ရှယ်လစ် တစ်ဦးဟု မလိခက ဝိသေသပြု၏။
ချမ်းမြေ့သာယာမှု ကင်းမဲ့နေသော အိမ်ထောင်စုအတွင်း ကြီးပြင်းခဲ့ရသူ မိန်းကလေးတစ်ယောက်၏ မေတ္တာ ငတ်၍ မေတ္တာကို အာသာငမ်းငမ်း ဖြစ်ပုံ၊ မိခင်၊ ဖခင်နှင့် အဒေါ်တို့၏ ရန်ဖြစ်သံ၊ ဆူပူသံများမှ လွတ်မြောက်ရာ ရှာဖွေပုံ၊ နောက်ဆုံး ထွက်ပေါက်ရှာမတွေ့ဘဲ တဝဲလည်လည် ဖြစ်ပုံတို့ကို `တင်မေ´ အမည်ရှိ အမျိုးသမီးအား ဇာတ်ဆောင်ထားကာ ရေးဖွဲ့ထားသည်။
၁၉၅၃ ခု၊ ဇန်န၀ါရီလထုတ် ရှုမ၀မဂ္ဂဇင်းတွင် ပထမဆုံးပုံနှိပ်ဖော်ပြခံခဲ့ရပြီး ၁၉၆၄ ခုနှစ်တွင် 'ဖုန်းသက်တိုင်' နှင့်တွဲ၍ ငြိမ်းစာစဥ်မှ ပထမအကြိမ် ထုတ်၀ေခဲ့သည်။