Fylgjumst að

Sóley er í fæðingarorlofi, Heiða er byrjuð aftur að vinna og ljúfa lífið liggur fyrir nýslegnum mæðgum. En að eiga barnið var þeim sár reynsla og þrátt fyrir fegurðina, birtuna og hreinu ástina sem þær uppskáru situr sársaukinn í þeim. Brátt kemst Sóley á snoðir um hlaðvarpið Fylgjumst að sem kynnir verðandi mæður fyrir frjálsum fæðingum. Utan læknisþjónustu, ljósmæðra og jafnvel utan kerfisins. Líkami konunnar var skapaður til að fæða barn.

Innan tíðar fær Sóley að vita að kona ein hefur leitað hjálpar. Henni var sagt að barnið hennar hafi látist í frjálsri fæðingu. En hún stendur í þeirri trú að barnið hafi lifað. Hún trúir því að barnið hafi verið tekið frá henni.

Sóley fyllist forvitni um þetta hlaðvarp, Fylgjumst að, og hvers vegna þessar hugmyndir skuli njóta slíkra vinsælda. Óðara fær hún hugmynd að nýrri rannsóknarseríu og er ekki komin ýkja djúpt undir yfirborðið þegar skuggalegri hliðin á þessum hugmyndum og þessu stækkandi samfélagi líta dagsins ljós.

Sjöfn Asare hefur vakið verðskuldaða athygli síðustu ár fyrir óhugnanlegar og spennandi sögur sem takast beint á við samtímann og áleitnar spurningar. Fylgjumst að er þriðja bókin í seríunni um Sóleyju og Heiðu, en áður hafa komið út Flæðarmál og Ég elska þig meira en salt sem báðar nutu fádæma vinsælda. Fylgjumst að er saga sem þú getur ekki skilið við fyrr en yfir lýkur.