Teorya ng mga Tanong

May mga tanongna hindi dapat sinasagot

Sa isang barangay na naging tapunan ng mga bangkay, isang binata ang natutong mabuhay sa gutom.

Si Galileo ay gutom sa pagkain, sa pagmamahal, at sa paliwanag kung bakit kailangang maging target ng karahasan ang mga tulad niya.

Matapos mapaslang ang kanyang mga magulang sa ngalan ng "giyera kontra droga," inampon siya ng isang sikat na

manunulat at ng asawa nitong editor. Akala nila, maililigtas ng sining ang isang batang winasak ng karahasan. Hindi nila alam na may kasamang dugo ang bawat kuwento.

Habang tinutulungan nilang hanapin ang totoong tatay ni Galileo, unti-unting lumitaw ang mas nakakatakot na tanong na babago sa buhay nilang tatlo:

Kung ang kasamaan ay nasa dugo, may kakayahan pa ba tayong pumili ng kabutihan?

Mula sa maduduming eskinita ng Bagong Silang hanggang sa nagtataasang gusali ng Ortigas, magbabanggaan ang dalawang uri ng kapangyarihan: ang mga taong pumapatay at ang mga taong nagsusulat tungkol sa pagpatay.

Ang Teorya ng mga Tanong ay isang nobela na hindi lamang nagtatanong kung sino ang halimaw... kundi kung sino ang may karapatang magkuwento kung sino ang halimaw.