Последна граница - Книга ПЕТТА: Кобалтна плима (Последна граница, #5)

Што имаат заедничко клоновите на Војводата и реинкарнираните личности на Катерина Велика, полковникот Гадафи, Ервин Ромел и Фу Хао, античката кинеска војсковотка и првосвештеничка?
Сто години по падот на Големите Куќи на Земјата, општественото уредување наречено неократија е минато. Човештвото полека се шири и ги колонизира световите на околните ѕвезди. Триумвиратот, претставникот на обединетата Земја и Внатрешниот Сончев Систем се обидуваат да го наметнат своето влијание врз веќе населените светови. Потомците на Големите Куќи се обидуваат да ги одбранат последните бастиони на својата слобода и начин на живот.
Некогашното моќно Братство на Интервентите сега е претворено во обичен чувар на мемориските наслаги, најголемата библиотека во универзумот...
На населените светови, се издигнуваат Промените...

„Приказниште од епски размери! Плимата нѐ стигнува и безмилосно нѐ потопува во рој емоции, жестока акција и незаборавна завршница. Зоран Милошевски ја збогати македонската книжевност со незаменливи дела кои ќе го пленат светот.“
— Елена Бошбож, автор на серијалот „Сонцето под земја, кралство над него“
„Она што започна како величење на воинственоста и гордоста, на крајот им остави вкус на метална паричка на секој од ликовите.
Откако ќе ја прочитате целата сага за Војводата и неократијата, со сиот нејзин раскош, издигнувања, падови... па и бруталност и наглост, ќе сфатите што значи приказна во пет тома која води до целосно исполнување на сетилата.“
- Верица Марковска