Мрачни импулси

Што сè ќе направите за да го спасите вашето дете? Постојат ли злобни мачки? Дали ќе се преселите ако дознаете дека куќата каде само што сте се вселиле е проколната? Што ќе ви каже инстинктот ако ве нападне глутница волци? Ако дознаете дека постојат мали суштества што живеат со вас, до каде сте спремни да одите за да го докажете тоа?
„Мрачни импулси“ е збирка раскази чијашто цел е истражување на човечките импулси, оние нагли, понекогаш хаотични, понекогаш логични одлуки што го обликуваат животот на поединецот, импулси што поставуваат морални дилеми, ги поткренуваат прашањата за последиците од одлуките, ја разгледуваат границата меѓу љубовта и агресијата, меѓу грижата и паранојата...